Үнүп турар ЧЫЛАН чылы,
Үүлевисти бүдүрүшсүн,
Аал-оран бүрүзүнге,
Аас-кежик доктаар болзун!
Каң дег быжыг кадыкшылды,
Хайыралап шаңнап берзин!
Сүүзүннүг аъш-чем долу,
Сүлде-сүзүк бедик турзун!
Хайыралдыг бөдүүн чонум,
Кайгамчыктыг демниг болзун!
Агаар-бойдус килеңневейн,
Арыг-чаагай сөңнел берзин!
Чемгерикчи азыраан мал,
Четчир кылдыр өзүп турзун!
Чаштарывыс,чарашпайлар,
Чаржалаштыр бодаразын!
Дайын чаазы төнер  болзун,
Тайбыҥ йөрээл  чаңгыланзын!